Innovación

Pescanova nace dunha innovación: a tecnoloxía de conxelación a bordo. Desde entón, non pasou un só día en que non pensásemos en como mellorar todos os nosos procesos, facéndoos máis competitivos e sustentables e, sobre todo, desenvolvendo novas tecnoloxías, métodos de produción e produtos:

Novas tecnoloxías

En 1961 e extrapolando conceptos en materia de conservación do frío da industria cárnica, Pescanova inventou a tecnoloxía de conxelación a bordo, utilizada por primeira vez no buque “Lemos”. Foi o primeiro barco conxelador transoceánico do mundo.

Unha revolución tecnolóxica que permitiu a partir de entón pescar nos ricos e distantes caladoiros do hemisferio sur, ultraconxelando a captura a bordo para a súa correcta conservación, dando un xiro de 180 graos á industria pesqueira mundial.

Métodos de pesca

En 1963 construímos o primeiro buque rampeiro da industria naval española capaz de pescar por popa no canto de por un costado, o “Villalba”, o que foi un grande avance para aumentar a capacidade pesqueira.

A esta innovación seguíronlle outras moitas, que situaron á frota de Pescanova á vangarda da industria pesqueira mundial.

Acuicultura

Desde que comezamos a apostar pola acuicultura nos anos 80 para aumentar a nosa produtividade garantindo a racionalización dos recursos mariños, non paramos de innovar neste campo. Desde a aplicación de novas técnicas de acuicultura nos cultivos de lagostino en Ecuador, Guatemala e Nicaragua, de rodaballo en España, ata a punta de lanza do I+D+i do Grupo Nueva Pescanova: o Pescanova BioMarine Center.

O Pescanova BioMarine Center é un centro de I+D+i en Acuicultura, que se está construíndo no Grove (España) e que marcará un punto e á parte no estudo da acuicultura no noso país. A través de novas técnicas de investigación sobre xenética, nutrición e saúde, así como sobre sustentabilidade e novas especies de cultivo.

Coas súas investigacións non só se mellorará o cultivo de especies como o rodaballo ou o lagostino vannamei, senón que avanzaremos en técnicas que permitan levar a acuicultura a novas especies.

As instalacións contarán con 4.000 m2 dotados da última tecnoloxía, que situará a este centro como o primeiro privado deste tipo en España e un do tres máis importantes de Europa.

Produto

Fomos pioneiros en introducir o peixe ultraconxelado en varios países, creando unha nova categoría que rapidamente formou parte dos hábitos de consumo de millóns de consumidores. Desde entón non paramos de lanzar produtos que ofrezan toda a frescura do mar con novas e suxestivas propostas.

Contamos cun Comité de Innovación, que traballa na análise das necesidades do mercado e das novas tendencias de consumo. Recentemente profundamos na categoría dos refrixerados con produtos como o Dippeo de Lagostinos, o polbo cocido en mollo ou a gama de produtos Étnicos, entre outros, ademais de adaptarnos ás novas tendencias de snaking no fogar coa nosa gama de tapeo.